Foydalanish shartlari va yetkazib berish qoidalari

Foydalanish shartlari va yetkazib berish qoidalari Ushbu hujjat "Xizmat ko‘rsatuvchi" (yetkazib berish xizmati) va "Foydalanuvchi" (mijoz) o‘rtasidagi o‘zaro hamkorlik tartibini belgilaydi. Sayt orqali buyurtma berish ushbu shartlarga so‘zsiz rozilik bildirishni anglatadi. 1. To‘lov tartibi va xavfsizlik Xizmatimizda moliyaviy xavfsizlikni ta'minlash maqsadida onlayn to‘lov tizimlari ulanmagan. Barcha hisob-kitoblar bevosita mahsulot qo‘lga tekgandan so‘ng amalga oshiriladi: Naqd pul orqali: Mijoz buyurtmani qabul qilgan vaqtda kuryerga naqd to‘lovni amalga oshiradi. Shaxsiy o‘tkazma: Agar kuryerning imkoniyati bo‘lsa, mijoz kuryer bilan o‘zaro kelishgan holda to‘lovni uning shaxsiy kartasiga o‘tkazib berishi mumkin. Mas’uliyat: O‘tkazma paytida yuzaga kelishi mumkin bo‘lgan texnik xatolar uchun xizmat ma'muriyati javobgarlikni o‘z bo‘yniga olmaydi. 2. Buyurtmani qabul qilish va tekshirish Mijoz kuryer kelgan vaqtda mahsulotning butunligi, sifati va buyurtmaga mosligini joyida tekshirib olishi shart. Mahsulot qabul qilinib, to‘lov amalga oshirilgandan so‘ng, yetkazib berish xizmatining majburiyati yakunlangan hisoblanadi. 3. Mahsulotni qaytarish (Vozvrat) imkoniyati mavjud emasligi Bizning xizmatimizda quyidagi sabablarga ko‘ra mahsulotlarni qaytarib olish (vozvrat) amalga oshirilmaydi: Gigiyena va xavfsizlik: Oziq-ovqat va tez buziladigan mahsulotlarning sifatini saqlash maqsadida, ular kuryerdan qabul qilib olingandan keyin qaytarilmaydi. Qat’iy qoida: Buyurtma berilgan va tasdiqlangan mahsulotlar uchun qaytarish xizmati mavjud emas. Mijozda faqat kuryer kelgan vaqtda, mahsulotni hali qabul qilmasdan turib, kamchilik aniqlangan taqdirdagina undan voz kechish huquqi saqlanib qoladi. 4. Tomonlarning majburiyatlari Mijoz: Buyurtma manzili va bog‘lanish raqamini aniq ko‘rsatishi, kuryer kelganida aloqada bo‘lishi shart. Xizmat: Buyurtmani imkon qadar qisqa muddatda, buyurtma qilingan tarkibda va xavfsiz holatda yetkazib berishni kafolatlaydi. 5. To‘lovni yaxlitlash va qaytim qoidalari Kuryerlarimizda doimiy ravishda mayda qaytim (masalan: 100, 200, 300 so‘m) bo‘lmasligi ehtimolini hisobga olgan holda, xizmatimizda "Yaxlitlash va bonus" tizimi amal qiladi. Agar buyurtmaning yakuniy summasi mayda raqamlar bilan tugasa (masalan, 30.200 yoki 30.300 so‘m), quyidagi tartib qo‘llaniladi: 200 so‘mdan yuqori bo‘lgan har qanday mayda qoldiq (200, 300, 400 so‘m va h.k.) avtomatik ravishda keyingi 1000 so‘mgacha yaxlitlanadi. Misol: Agar buyurtma summasi 25.300 so‘m bo‘lsa, u 26.000 so‘m deb hisoblanadi. Kichik mahsulot (Bonus): Yaxlitlash natijasida hosil bo‘lgan farq evaziga, kuryer mijozga qaytim o‘rniga qiymati o‘sha summaga teng yoki undan yuqori bo‘lgan kichik mahsulot (masalan, saqich, shirinlik yoki boshqa mayda tovar) taqdim etadi. Mijoz buyurtma berish orqali ushbu yaxlitlash tizimiga va qaytim o‘rniga kichik mahsulot olishga o‘z roziligini bildiradi. 6. Qo‘shimcha shartlar Xizmat ma’muriyati ushbu shartlarga istalgan vaqtda o‘zgartirish kiritish huquqini o‘zida saqlab qoladi. Yangilangan shartlar saytda e'lon qilingan paytdan boshlab kuchga kiradi.